واشنگٹن (نیوز ڈیسک) بھارت میں مذہبی اور سیاسی جبر کیخلاف امریکی سینیٹ میں قرارداد پیش کر دی گئی۔ خبر رساں ایجنسی کے مطابق بھارت کیخلاف امریکی سینیٹ میں قرارداد سینیٹر ٹیمی بالڈون نے پیش کی۔ قرارداد کے متن میں کہا گیا کہ بھارت میں مذہب کی بنیاد پر امتیازی پالیسیوں کا معاملہ اُٹھایا جائے۔متن کے مطابق بھارت میں پرامن مظاہرین پر تشدد کے خاتمے کیلئے بھارتی حکومت سے بات کی جائے کیونکہ مذہبی آزادی بنیادی حق ہے اور خلا ف ورزی پر امریکہ کو کھڑا ہونا اور بولنا چاہیے۔ قرارداد میں کہا گیا کہ منظم مذہبی اور سیاسی ظلم وستم روکنے کیلئے بھارت پر دباؤ ڈالا جائے۔ مطالبہ کیا گیا کہ بھارت میں مسلمانوں اور مسیحیوں کیخلاف امتیازی پالیسیاں تبدیل کرنے کیلئے کام کیا جائے۔
